حوار مع مسطول فايق جدا ....!!!

فى ظل الاوضاع الحالية ومجاراة لعصور القنوات الفضائيه
كان لنا الحوار التالى مع احد المساطيل من إحدى الغرز على ناصية الشارع


وبدأنا الاسئلة
وكان اول سؤال للمحاور : بصفتك واحد من المواطنين المحبين والمضحكين من اجل البلد ......
كيف ترى مستقبلة ؟؟ وكانت إجابته :
المسطول : اكيد هيكون لوز واخر بحججة والناس هتكون فووووووووووق وطايرة واخر سعادة
المحاور : فى رأيك... ما هى أفضل الاساليب والطرق اللازمة لحل كل المشاكل التاليه :البطاله ؟؟؟
المسطول : إننا نموت الشباب الجديد الصاعد اللى عايز يشتغل من دلوقت
قبل ما يموت هو من الحسرة أو يفكر إنه يفجر نفسه .. وبكده يكون عندنا وظائف خالية للجيل الى بعديه
رغيف العيش ؟؟؟
المسطول : اعتقد إن لغايه النهاردة وحتى هذة اللحظة إنه فى متناول يد الجميع وسعره مدعم لكل الناس
ويعنى هو لو كان شاحح شويه فى البلد فالبديل موجود ... البسكوت حلو وجميل وفى منه كمان بالشكولاته
وموجود فى كل مكان ... العيب فى الناس اللى مش عايزة تفكر فى حلول لمشاكلها
التعليم ؟؟؟
المسطول : دى بقى أهم حاجة لازم نعالجها بجد ... لان التعليم هو اللى بيربى النشء للمستقبل
وبيصنع الاجيال ... بس اهم حاجة لازم نعملها لولادنا .. امشى جنب الحيط ...
وخليك فى حالك احسن لك ... وإن شفت الغلط غمض عنيك ومتتكلمش

ارتفاع الاسعار ؟؟؟
المسطول : ممكن نحلها بخفض الاجور لكل فئات الشعب وهنا الناس مش هتعرف تشترى حاجة
والتجار مش هيبيعوا وتحصل حالة كساد اكتر وهيضطر التجار يخفضوا ثمن السلع بأقل من
ثمنها الحقيقى .... وتبقى كل حاجة ببلاش...المحاور :
واخيرا فى ناس عمالة تتكلم وتقول ان كل حاجة دلوقت بتغلى وبيرتفع سعرها....
ماعدا الانسان بس هو اللى بيرخص... ايه رد حضرتك ؟؟؟
المسطول :
اه ... لما الناس تفوق بجد وترفض تتعامل على إنها حيوانات ... وعلى الاقل يتعاملوا
بينهم وبين بعض على انهم بنى ادمين ... وكل واحد يعرف حقوقه وواجباته و .....
المحاور :
بس .. بس .. ستوب .. انت بتقول إيه ؟؟ .. إنت جاى تفوق دلوقت ...... فاصل ونعود مع مسطول اخر من غرزة تانية فى حتة تانية ...